Ռամոսը կարող է տեղափոխվել «Ալ-Նասր» ակումբ, որտեղ իր ակումբակից Ռոնալդուն է

ՊՍԺ-ի պաշտպան Սերխիո Ռամոսը կարիերան կարող է շարունակել Սաուդյան Արաբիայում կամ ԱՄՆ-ում, այս մասին հայտնում է Mundo Deportivo-ն:

36-ամյա իսպանացու պայմանագիրն ավարտվում է այս ամառ: Աղբյուրի փոխանցմամբ, ֆուտբոլիստի ապագայի վերաբերյալ որոշումը կկայացվի Չեմպիոնների լիգայի 2022/23 խաղարկության 1/8 եզրափակչի՝ «Բավարիայի» դեմ խաղից հետո:

Հեռանալու պարագայում Ռամոսը կարող է տեղափոխվել «Ալ-Նասր» ակումբ, որտեղ հանդես է գալիս նրա նախկին ակումբակից Կրիշտիանու Ռոնալդուն: Կարիերան շարունակելու տարբերակներից մեկը նաև MLS-ն է: Նրա գործող պայմանագիրը ՊՍԺ-ի հետ նախատեսված է մինչև 2023 թվականի հունիսի 30-ը:

Սերխիո Ռամոսն ընթացիկ մրցաշրջանում ՊՍԺ-ի կազմում անցկացրել է 26 հանդիպում: Պաշտպանն ունեցել է  մեկ գոլ և մեկ գոլային փոխանցում: