Արոնյանը հաղթեց օլիմպիական չեմպիոնին և դարձավ միանձնյա առաջատար

 Հայաստանի հավաքականի նախկին առաջատար Լևոն Արոնյանը երկրորդ հաղթանակը տարավ Գերմանիայի Դյուսելդորֆում ընթացող WR Chess Masters մրցաշարում։ 

ԱՄՆ–ն ներկայացնող Լևոն Արոնյանը սպիտակ խաղաքարերով մրցեց ուզբեկ Նոդիրբեկ Աբդուսատորովի հետ և հաղթանակ տարավ 31-րդ քայլում։ 
Այս պահին Արոնյանը 2,5 միավորով միանձնյա գլխավորում է մրցաշարային աղյուսակը։ Աբդուսատորովը 1,5 միավորով երկրորդն է։ 
 

Առաջին տուրում հայ գրոսմայստերը պարտության էր մատնել հնդիկ Ռամեշբաբու Պրագնանանդհային, երկրորդ տուրում ոչ ոքի էր խաղացել գերմանացի Վինսենտ Կեյմեի հետ։ 
WR Chess Masters-ի մրցանակային հիմնադրամը 130 հազար եվրո է։ Հաղթողը կստանա 40 հազար եվրո։