Թենեսիում քրիստոնեական դպրոցում կրակ բացած անձը տրանսգենդեր կին է․ տեղի ոստիկանություն

ԱՄՆ Թենեսի նահանգի Նեշվիլ քաղաքի մասնավոր քրիստոնեական դպրոցում հրաձգության հետևանքով զոհվել է առնվազն վեց մարդ և հրաձիգը, ով իրականացրել է հանցագործությունը։ 

Ամերիկյան ԶԼՄ-ների փոխանցմամբ՝ ոստիկանությունը հայտնել է, որ կրակողը Նեշվիլի բնակչուհի Օդրի Էլիզաբեթ Հեյլին է, որն իրեն տրանսգենդեր է ճանաչում:
 

Ինչպես արդեն հայտնել էինք՝ նա հարձակվել էր Նեշվիլում գտնվող Covenant քրիստոնեական մասնավոր դպրոցի վրա, որտեղ սովորում է մոտ 200 երեխա: 28-ամյա Օդրի Հեյլին զինված է եղել երկու ինքնաձիգով և ատրճանակով։ Նրա վրա կրակել են ոստիկանները։

Սպիտակ տան մամուլի ծառայությունը հայտնել է, որ ԱՄՆ նախագահ Ջո Բայդենը հանձնարարել է իջեցնել ազգային դրոշները Նեշվիլում տեղի ունեցած ողբերգության պատճառով։