Բեռնի Սանդերսը՝ Բայդենի վերընտրվելու մասին

ԱՄՆ նախագահ Ջո Բայդենը կարող է վերընտրվել 2024 թվականին, հայտարարել է դեմոկրատ սենատոր Բերնի Սանդերսը, գրում է The Hill-ը։ Փոխանցում է gazeta.ru-ն։  Նրա խոսքով՝ քաղաքական գործիչը մեծ տարբերությամբ հաղթելու հնարավորություն ունի.

«Եթե դուք հավատում եք ժողովրդավարությանը, ցանկանում եք, որ ավելի շատ մարդիկ քվեարկեն, կարծում եմ, որ ընտրությունը բավականին պարզ է: Եվ այդ ընտրությունը Բայդենն է։ Եթե դեմոկրատները և նախագահը սկսեն աշխատել բանվոր դասակարգի մարդկանց համար, ես կարծում եմ, որ Բայդենը կհաղթի մեծ տարբերությամբ», - ասել է Սանդերսը, ով 2020 թվականի ընտրություններում Բայդենի հետ զուգահեռ առաջադրվել է նախագահի պաշտոնում: 

Ինչպես նշել է Սանդերսը, ԱՄՆ գործող նախագահն իրականում միակ ընտրությունն է Հանրապետական ​​կուսակցության հակառակորդների ֆոնին: Նա նաև հավելել է, որ շատ հանրապետականներ, իբր, չեն հավատում ժողովրդավարությանը, քանի որ նրանք աջակցում են 2020 թվականի նախընտրական արշավում ԱՄՆ նախկին նախագահ Դոնալդ Թրամփի հաղթանակի մասին ենթադրություններին։