Ուկրաինայի իշխանություններն անցել են մոբիլիզացիայի ագրեսիվ մեթոդների. The Daily Telegraph

Ուկրաինայի իշխանություններն անցել են մոբիլիզացիայի ագրեսիվ մեթոդների՝ ձգտելով հակահարձակման նախաշեմին լրացնել կենդանի ուժի կորուստները։ Այս մասին հայտնել է բրիտանական The Daily Telegraph թերթը։ Տեղեկատվությունը փոխանցում է ՏԱՍՍ-ը:

Ըստ The Daily Telegraph-ի ՝ Ուկրաինայում ծանուցագրերը սկսել են բաժանել հենց փողոցում։ Մասնավորապես, պարբերականը պատմել է ուկրաինացի զինծառայողներից մեկի պատմությունը, որը կրկին զորակոչվել է գերությունից վերադառնալուց հետո։ Ինչպես նշել է թերթը, ուկրաինական ռազմական հրամանատարությունը փորձում է ավելացնել Ուկրաինայի զինված ուժերի անձնակազմի թիվը հակահարձակման նախաշեմին:

Ուկրաինայի զինված ուժերի հնարավոր հակահարձակման թեման ԶԼՄ-ներում քննարկվում է արդեն մի քանի ամիս, տարբեր ժամկետներ են նշվում։ ՌԴ ԱԳՆ-ն ավելի վաղ հայտարարել էր, որ Արևմուտքի երկրների բացահայտ դատողությունները գալիք Ուկրաինական հակահարձակման մասին հաստատում են նրանց անմիջական ներգրավվածությունը հակամարտությունում։