Երկրաշարժ Վրաստանում. էպիկենտրոնը երկրի հարավում է

Հինգշաբթի Վրաստանում 3,8 մագնիտուդ ուժգնությամբ երկրաշարժ է տեղի ունեցել։ 

Վրաստանի սեյսմիկ մոնիտորինգի ազգային կենտրոնի տվյալներով՝ երկրաշարժը տեղի է ունեցել Թբիլիսիի ժամանակով 17:15-ին, էպիկենտրոնը գտնվել է երկրի հարավում՝ Գորա գյուղից 1 կմ հեռավորության վրա, Դմանիսի քաղաքից 10 կմ հեռավորության վրա, իսկ Թբիլիսիից՝ 54 կմ:

Երկրաշարժի աղբյուրը գտնվել է 2 կմ խորության վրա։ 

Այս պահին զոհերի կամ ավերածությունների մասին տեղեկություններ չկան։