Ինչ վնասներ է կրել «Դիլիջան» ազգային պարկը օրեր շարունակ չմարվող հրդեհից հետո

«Դիլիջան ազգային պարկ» ՊՈԱԿ-ի 3-րդ պահաբաժնում բռնկված հրդեհը մարվել է։ Այս մասին հայտնում են ՆԳՆ ՓԾ-ից։

«Դիլիջան ազգային պարկ» ՊՈԱԿ-ի 3-րդ պահաբաժնում բռնկված հրդեհը մարվել է դեկտեմբերի 6-ին, ժամը 11։20-ին։ Այրվել է 12 հա տարածք․ փրկարարները հրդեհաշիջում են իրականացրել 10․5 հա տարածքում։

Այրվել են 50 կանգուն ծառ, 410 ծառի կոճղ, խաշամ, փայտի թափուկներ և ջերմահարվել է 120 ծառ։

Տեղում հերթապահություն են իրականացնում 20 փրկարարական ծառայող»,-ասվում է հաղորդագրության մեջ։

Հիշեցնենք՝ «Դիլիջան» ազգային պարկում արդեն մի քանի օր է բռնկված հրդեհը դեռ չէր հաջողվում մարվել։