Մեծ Բրիտանիան թնդանոթներով և գնդացիրներով զինված ռազմանավ կուղարկի Գայանայի ափեր

Բրիտանական ռազմանավը կուղևորվի Գայանայի ափեր։ Այս մասին հայտնում է Financial Times թերթը։

Մեծ Բրիտանիայի պաշտպանության նախարարության ներկայացուցչի խոսքով՝ Trent պարեկային նավը Լոնդոնի կողմից կուղարկվի Հարավային Ամերիկա՝ ի նշան նախկին բրիտանական գաղութին աջակցելու, որը բախվել է Վենեսուելայի տարածքային հավակնություններին:

Թերթի տվյալներով՝ Trent-ը, որը զինված է թնդանոթներով եւ գնդացիրներով, հիմնականում օգտագործվում է հակաահաբեկչական զորավարժություններում, ինչպես նաեւ մասնակցում է ծովահենության եւ մաքսանենգության կանխմանն ուղղված գործողություններին: Սովորաբար նավը գործում է Միջերկրական ծովում։ Trent-ի անձնակազմը բաղկացած է 65 հոգուց։ Նավի վրա հնարավոր է նաև ուղղաթիռ տեղադրել։