Զինված հարձակում` Ստամբուլում կաթոլիկ եկեղեցու վրա. կա զոհ

Ստամբուլում կաթոլիկ եկեղեցու վրա զինված հարձակում է տեղի ունեցել աղոթքի ժամանակ, զոհվել է մեկ մարդ: Այս մասին այսօր հայտնել է Թուրքիայի ներքին գործերի նախարար Ալի Երլիկայան: Տեղեկությունը փոխանցում է ՌԻԱ Նովոստին:

Լրատվամիջոցներն ի սկզբանե հայտնել էին հարձակման հետևանքով մեկ վիրավորի մասին։

«Այսօր ժամը 11.40-ին (Երևանի ժամանակով 12.40) Ստամբուլի Սարըյեր շրջանի Սուրբ Մարիամ կաթոլիկ եկեղեցում զինված հարձակման հետեւանքով զոհվել է քաղաքացի Դ. Թ.», - գրել Է նախարարը X սոցիալական ցանցում:

Նախարարի խոսքով՝ հարձակվողներից երկուսը դիմակավորված են եղել և մասնակցել կիրակնօրյա աղոթքին։

Երլիկայան հայտնել է հարձակման լայնամասշտաբ հետաքննության մասին, հարձակվողների նկատմամբ հետախուզում է իրականացվում: