Թրամփը՝ Իսրայելի կողմից հրադադարի խախտման մասին

ԱՄՆ նախագահ Դոնալդ Թրամփը հայտարարել է, որ Իսրայելի կողմից Լիբանանի ուղղությամբ հարվածների դադարեցումը չի ներառվել Իրանի հետ ձեռք բերված հրադադարի համաձայնագրում՝ «Հեզբոլլահ» շարժման գործոնի պատճառով։

PBS հեռուստաընկերությանը տված հարցազրույցում Թրամփը նշել է, որ Լիբանանը չի ընդգրկվել պայմանավորվածության մեջ հենց այդ պատճառներով՝ ընդգծելով, որ իրավիճակը գտնվում է վերահսկողության տակ։ Նա հավելել է, որ այդ ուղղությամբ ևս քայլեր կձեռնարկվեն։

Անդրադառնալով Իսրայելի կողմից Իրանի տարածքին հասցված հարվածներին՝ ԱՄՆ նախագահը դրանք բնութագրել է որպես առանձին զարգացում։ Նրա խոսքով՝ տեղի ունեցողը «առանձին հակասություն» է, որը չի փոխում ընդհանուր պայմանավորվածության շրջանակը։