Դարի գողություն. անհայտ անձինք ռադիոկայանից գողացել են 200 ոտնաչափ աշտարակ. ԱՄՆ

Դարի գողություն. անհայտ անձինք Ալաբամայի ռադիոկայանից գողացել են 200 ոտնաչափ աշտարակ: Այս մասին հայտնում են տելեգրամյան ալիքները:

Ոչ ոք դեռ հստակ չգիտի, թե ինչպես է  գողերին հաջողվել գողանալ ծանր պողպատե աշտարակը, որ ոչ ոք չի նկատել:

«Ես ամբողջ շաբաթավերջին փորձել եմ դա պարզել և պարզապես չեմ կարողանում: Ես իմ ամբողջ կյանքում եղել եմ ռադիոյի բիզնեսում և կարող եմ ասել, որ երբեք նման բան չեմ լսել»,- ասել է Ռադիոկայանի գլխավոր մենեջեր Բրետ Էլմորնը:

Նշվում է, որ գողերը խնամքով ապամոնտաժել են աշտարակը` կտրելով ամրացման լարերը, ինչպես նաև ռադիոկայանի գույքից հափշտակել այլ սարքավորումներ: Ավազակներին հայտնաբերելու դեպքում նրանց սպառնում է տուգանք և մինչև 10 տարվա ազատազրկում։