Ռուսաստանը ատոմային սուզանավ կուղարկի Կուբա

Ռուսական «Կազան» ատոմային սուզանավը, որը միջուկային զենք չի կրի, հաջորդ շաբաթ կայցելի Հավանա։ Այս մասին հայտարարել են Կուբայի կոմունիստական իշխանությունները: Ինչպես գրում է The Guardian-ը, ռուսական միջուկային սուզանավի այցը տեղի կունենա Մոսկվա-Վաշինգտոն լարվածության աճի ֆոնին:

Բացի այդ, Կուբայի ափ կհասնի ռուսական ռազմածովային ուժերի ևս երեք նավ՝ «Ադմիրալ Գորշկով» հրթիռային ֆրեգատը, «Ակադեմիկ Փաշին» ծովային տանկերը և «Նիկոլայ Չիքեր» փրկարար քարշակը: Դրանք հունիսի 12-ին կայանելու են Կուբայի մայրաքաղաք Հավանայի նավահանգիստում և այնտեղ կմնան 5 օր:

Նշվում է, որ նավերից ոչ մեկը միջուկային զենք չի կրում, ուստի դրանց կանգառը մեր երկրում սպառնալիք չի ներկայացնում տարածաշրջանի համար։