Իսրայելը հերքում է Թրամփի հետ Նեթանյահուի զրույցի մասին տեղեկությունը

Իսրայելի վարչապետ Բենիամին Նեթանյահուի գրասենյակը հերքել է տեղեկությունն այն մասին, որ վարչապետը ԱՄՆ նախագահի հանրապետական ​​թեկնածու Դոնալդ Թրամփի հետ քննարկել է Գազայի հատվածում զինադադարի գործարք կնքելու հնարավորությունը։

«Հակառակ հրապարակումների՝ վարչապետը երեկ չի խոսել ԱՄՆ նախկին նախագահ Դոնալդ Թրամփի հետ»,- ասվում է մամուլի ծառայության հայտարարության մեջ, որը մեջբերում է Ynet պորտալը ։

Ավելի վաղ Axios պորտալը, վկայակոչելով աղբյուրներին, հայտնել էր , որ Թրամփը օգոստոսի 14-ին Նեթանյահուի հետ քննարկել է Գազայի հատվածում զինադադարի գործարք կնքելու հնարավորությունը։ Նշվել է, որ հեռախոսազրույցում նախկին նախագահը «ակնկալում էր Նեթանյահուին մղել գործարք կնքելու» արմատական ​​պաղեստինյան ՀԱՄԱՍ շարժման հետ։