Նեթանյահուի գրասենյակը հայտնել է Գազայի հարցով բանակցությունները մոտ ապագայում վերսկսելու մասին

Գազայի հատվածում հրադադարի և պատանդների փոխանակման շուրջ բանակցությունները Կատարում կվերսկսվեն մոտ ապագայում: Այս մասին ՌԻԱ Նովոստիին ասել է Իսրայելի վարչապետ Բենիամին Նեթանյահուի գրասենյակի խորհրդական Դմիտրի Գենդելմանը։

«Պատանդների ազատ արձակման շուրջ բանակցությունները երկարաձգվել են ևս մեկ օրով և կվերսկսվեն մոտ ապագայում»,- ասել է Գենդելմանը։

Նա նաև նշել է, որ Իսրայելի համար պաղեստինյան ՀԱՄԱՍ շարժման ցանկացած պատվիրակության ֆիզիկական ներկայությունը բանակցությունների անցկացման համար «վճռորոշ գործոն չէ»: