Ինքնաթիռը Մոսկվայից Ստամբուլ չվերթի ժամանակ չնախատեսված վայրէջք է կատարել Վարշավայում

Թուրքական ավիաընկերության ինքնաթիռը չնախատեսված վայրէջք է կատարել Վարշավայում՝ Մոսկվայից Ստամբուլ չվերթի ժամանակ։ Այս մասին գրում է Интерфакс–ը:

Ինչպես երևում է Flightradar24 ծառայության տվյալներից, թուրքական ավիաընկերության Airbus A320 ինքնաթիռը օդ է բարձրացել Մոսկվայի Վնուկովո օդանավակայանից գրեթե հինգ ժամ ուշացումով և ավելի քան երկու ժամ անց չնախատեսված վայրէջք կատարել Վարշավայում։

Դեռևս տեղեկություններ չկան չնախատեսված վայրէջքի պատճառների մասին։

Մինչդեռ, նույն ավիաընկերության Airbus A321 ինքնաթիռը պատրաստվում է Ստամբուլի Սաբիհա Գյոքչեն օդանավակայանից չնախատեսված թռիչք կատարել Վարշավա։