Դատարանը սնանկ է ճանաչել Գրիգորի Լեպսի ընկերությունը

Մոսկվայի արբիտրաժային դատարանը սնանկ է ճանաչել «ГЛ Кейтеринг» ընկերությունը, որը պատկանում է երգիչ Գրիգորի Լեպսին: Այս մասին հայտնում է «Звездач» Telegram ալիքը։

Աղբյուրի տեղեկություններով՝ արտիստի ընկերությունը, որը զբաղվում էր քեյթրինգի ծառայություններով, «հայտնվել է ֆինանսական բարդ իրավիճակում»: Այդ պատճառով դատարանը համապատասխան որոշում է կայացրել Լեպսի ընկերության սնանկության մասին։ Telegram-ալիքը այլ մանրամասներ չի ներկայացնում։

Հայտնի է, որ արտիստը «ГЛ Кейтеринг» ընկերությունը հիմնել է 2018 թվականին։ Բացի սնանկ ճանաչված ֆիրմայից, Գրիգորին ունի նաև Lesnoy ռեստորան, ակնոցների սեփական շարքի վաճառքով զբաղվող «Лепс оптика» ընկերություն, ինչպես նաև ֆերմերային մթերք արտադրող ընկերություն: