Հայ ըմբշամարտիկը հաղթեց ադրբեջանցուն և դարձավ չեմպիոն

Հունահռոմեական ոճի ըմբշամարտի Եվրոպայի մինչև 17 տարեկանների եզրափակիչում Հայկ Մանուկյանը ժամանակից շուտ 11-3 հաշվով հաղթեց ադրբեջանցի Ալի Նազարովին և հռչակվեց չեմպիոն։

Եզրափակչից առաջ Մանուկյանը բոլոր մրցակիցներին ժամանակից շուտ էր հաղթել՝ 9-0 հաշվով իսրայելցուն, 8-0 հաշվով հունգարացուն, 8-0 հաշվով գերմանացուն և 9-0 հաշվով իտալացուն։