Պուտինը ամերիկացիներին ասել է, որ մինչև տարեվերջ կգրավի Դոնբասը. Զելենսկի

Ուկրաինայի նախագահ Վլադիմիր Զելենսկիի փոխանցմամբ՝ Վլադիմիր Պուտինը Թրամփի բանագնաց Ուիտկոֆին հայտնել է, որ մինչև տարեվերջ ամբողջությամբ կգրավի Դոնբասը։

Զելենսկին հիշեցրել է, որ տարածված պնդումը, թե Ռուսաստանը երեք տարում արդեն վերահսկում է Դոնբասի 70%-ը, սխալ է։ Նրա խոսքով՝ դեռ 10 տարի առաջ Կրեմլը զավթել է Ղրիմն ու Դոնբասի մոտ մեկ երրորդը, իսկ լայնամասշտաբ պատերազմի չորս տարում կարողացել է օկուպացնել միայն Դոնեցկի մարզի 30%-ը։ Մինչդեռ Ուկրաինան վերահսկում է մոտ 32%-ը։

«Եթե Պուտին ասում է՝ 2-4 ամսում կվերցնի Դոնբասը, դրա գինը տարիներ և միլիոնավոր զոհեր են։ Եթե փորձի ավելի արագ անել, ապա այդ թիվը կլինի ոչ թե մեկ, այլ երկու-երեք միլիոն մարդ», – ընդգծել է Զելենսկին։