Լեհաստանը կոչ է արել իր քաղաքացիներին անհապաղ լքել Բելառուսը

Մինսկում Լեհաստանի դեսպանատունը հայտարարել է, որ իրավիճակի սրման, տարածաշրջանում շարունակվող պատերազմի և Լեհաստանի քաղաքացիների նկատմամբ կամայական կալանավորումների պատճառով Լեհաստանի արտաքին գործերի նախարարությունը խորհուրդ է տալիս ձեռնպահ մնալ Բելառուս ցանկացած ուղևորությունից։ Այս մասին ասվում է Լեհաստանի կառավարության հաղորդագրության մեջ։

Անվտանգության իրավիճակի կտրուկ վատթարացման, սահմանների փակման կամ այլ անկանխատեսելի հանգամանքների դեպքում տարհանումը կարող է զգալիորեն դժվարանալ կամ նույնիսկ անհնար դառնալ։

Լեհաստանի արտաքին գործերի նախարարությունը կոչ է անում Բելառուսի Հանրապետությունում մնացած լեհ քաղաքացիներին անհապաղ լքել երկիրը։