Նուբարաշենի աղբավայրում բռնկված հրդեհի հիմնական մասը մարված է

Նուբարաշենի աղբավայրում բռնկված հրդեհի հիմնական օջախը մարվել է, մի փոքր հատված է մնացել։ Այս մասին լրատվամիջոցներին հայտնել են Երևանի քաղաքապետարանից:

«Կեսգիշերից «Երևանի աղբահանություն և սանիտարական մաքրում» հիմնարկի ջրցանները աշխատում են, բեռնատարներով հող է տեղափոխվել, որ ծածկեն տարածը: Փրկարար ծառայությունը ևս միացել է: Հրդեհի հիմնական մասը մարված է, այս պահին միայն ծուխն է երևում»,– հայտնել են քաղաքապետարանից։

Հիշեցնենք` Նուբարաշենի աղբավայրում հրդեհ է բռնկվել գիշերը։