Համասի դեմ գործել՝ ամերիկացի դիտորդների հետ համատեղ. Կացը հրաման է տվել

Իսրայելի պաշտպանության նախարար Իսրայել Կացը հանձնարարել է Իսրայելի պաշտպանության բանակին գործել Համասի դեմ՝ ամերիկացի դիտորդների հետ համատեղ։

Պաշտպանության նախարարը նշել է, որ ինքը հանձնարարել է Իսրայելի պաշտպանության բանակին ամերիկյան մոնիթորինգի մեխանիզմի միջոցով ուղերձ փոխանցել Գազայի հատվածում գտնվող Համասի առաջնորդներին։

«Համասի յուրաքանչյուր ահաբեկիչ, որը գտնվում է դեղին գծից այն կողմ՝ Իսրայելի վերահսկողության տակ գտնվող տարածքում, պետք է անհապաղ տարհանվի։ Համասի առաջնորդները պատասխանատվություն կկրեն ցանկացած միջադեպի համար», - նշել է Կացը։