Դատարանը մերժեց Սերժ Սարգսյանի նկատմամբ արգելք կիրառելու միջնորդությունը

Հակակոռուպցիոն դատարանի դատավոր Արամ Գրիգորյանը մերժել է դատախազության միջնորդությունը՝ ՀՀ երրորդ նախագահ Սերժ Սարգսյանի նկատմամբ բացակայելու արգելք խափանման միջոց կիրառելու վերաբերյալ։

Այսօր հանրային մեղադրողները արդեն երկրորդ անգամ էին նույնաբովանդակ միջնորդություն ներկայացնում տարբեր դատավորների։ Նախ այդ միջնորդությունը մերժել էր դատավոր Գիվի Հովհաննիսյանը, իսկ քիչ առաջ նույն որոշումն ընդունեց նաև դատավոր Արամ Գրիգորյանը։

Դատախազությունը պահանջում էր կիրառել սահմանափակում՝ արգելելով Սարգսյանին բացակայել Հայաստանի տարածքից, սակայն դատարանը գտել է, որ նման միջոցը անհրաժեշտ չէ։