Սիրիան քրդամետ ուժերին ժամանակ է տվել Հալեպից դուրս գալու համար

Սիրիայի պաշտպանության նախարարությունը Ժողովրդական ինքնապաշտպանության ջոկատներին ժամանակ է տվել մինչև տեղական ժամանակով ժամը 9:00-ն իրենց ուժերը Հալեպից դուրս բերելու համար, քանի որ այդ ժամանակահատվածում է գործելու հրադադարի ռեժիմը:

«Զինված անձանց թույլատրվելու է կրել միայն թեթև անհատական ​​զենք։ Սիրիական բանակը կապահովի նրանց անվտանգ հեռացումը և թույլ կտա մեկնել երկրի հյուսիսարևելյան շրջաններ»,- ասվում է Սիրիայի ՊՆ հայտարարության մեջ։

Նախարարությունը շեշտել է, որ այս քայլը ձեռնարկվել է տարածքներում ռազմական լարվածությունը դադարեցնելու, կառավարական հաստատությունների գործունեությունը վերականգնելու և իրենց տները լքած խաղաղ բնակիչների վերադարձը հեշտացնելու համար։

Հալեպի կենտրոնական կոմիտեն հայտնել է, որ հունվարի 6-ին սկսված մարտերի ընթացքում զոհվել է 6 սիրիացի, 55-ը՝ հիմնականում խաղաղ բնակիչներ, վիրավորվել են, 142000 մարդ տարհանվել է անվտանգ գոտիներ: