Բանակցային թիմը հենց նոր հաղորդեց, որ Աբու Դաբիում բանակցությունները տեղի կունենան փետրվարի 4-5-ին․ Զելենսկի

Ուկրաինայի նախագահ Վլադիմիր Զելենսկին հայտարարել է, որ Ուկրաինայի, Ռուսաստանի և Միացյալ Նահանգների ներկայացուցիչների միջև եռակողմ բանակցությունների հաջորդ փուլը տեղի կունենա ԱՄԷ մայրաքաղաք Աբու Դաբիում փետրվարի 4-ին և 5-ին։

«Մեր բանակցային թիմը հենց նոր հաղորդեց։ Հաջորդ եռակողմ հանդիպումների ամսաթվերը նշանակված են՝ փետրվարի 4-ին և 5-ին Աբու Դաբիում։ Ուկրաինան պատրաստ է բովանդակալից քննարկումների, և մենք շահագրգռված ենք ապահովել, որ արդյունքը մեզ մոտեցնի պատերազմի իրական և արժանապատիվ ավարտին։ Շնորհակալություն բոլոր նրանց, ովքեր օգնում են», - գրել է նա սոցիալական ցանցերում։

Նախկինում հաղորդվել էր, որ Աբու Դաբիում բանակցությունները նախատեսված էին այսօր։