Գահ, որը արժանի է թագավորին. բողոքի ակցիա Թրամփի դեմ

Վաշինգտոնի Ազգային զբոսայգում մարմարե պատվանդանի վրա տեղադրվել է ոսկեգույն զուգարանակոնք, որպես արվեստի բողոքի նոր ինստալացիա, հայտնում է Washington Post-ը։ Այն տեղադրվել է կեղծ մարմարե պատվանդանի վրա և, ըստ աղբյուրի, ուղղված է ԱՄՆ նախագահ Դոնալդ Թրամփի և նրա վարչակազմի դեմ։

Զուգարանակոնքի տարբեր կողմերում տեղադրված են գրություններ, որոնցում նշված է՝ «Գահ, որը արժանի է թագավորին»։ 

Զուգարանի կողքին կախված է զուգարանի թուղթ, որի վրա տպված է «Գաղտնի ձեռքսեղմում» գրությունը։ Սա այն արվեստագետների խմբի անվանումն է, որոնք վերջին 16 ամիսների ընթացքում ավելի քան տասը անգամ տարբեր արձաններ և արվեստի այլ օբյեկտներ են տեղադրել նույն տարածքում՝ քննադատելով Թրամփին և նրա կողմնակիցներին։