Օլիգարխն ուրիշ է, կլասիկը՝ ուրիշ, ձեր ցավը տանեմ․ Ծառուկյանը ԱԺ-ում

Գործարար չեմ, այլ սեփականատեր: Այս մասին այսօր ԱԺ նիստի ընդմիջման ժամանակ լրագրողների հետ զրույցում ասաց ԲՀԿ առաջնորդ Գագիկ Ծառուկյանը՝ պատասխանելովհարցին, թե արդյո՞ք գործարարը կարող է լինել պատգամավոր: «Ես գործարա՞ր եմ քո համար: Ես սեփականատեր եմ, որի համար ձեզ ասում եմ, որ այսօր Ծառուկյանը ոչ թե անհատ պատգամավոր է, որ եկել է, այլ կուսակցության ղեկավար, որը հանդիսանում է քաղաքական դաշտում երկրորդ քաղաքական ուժը: Թեման փակ է, անիմաստ է դրա մասին խոսել»,-ասաց Ծառուկյանը: Ի պատասխան լրագրողներից մեկը Ծառուկյանին հարցրեց՝ ո՞րն է օլիխարխի սահմանումը: «Օլիգարխը նա է, ով պետական պաշտոնի գալով սեփական կատու չի ունեցել, պաշտոնի լինելով՝ դարձել է միլիարդատեր: Եթե չգիտեիր, գրանցի՛ր մոտդ»,-ասաց Ծառուկյանը: Լրագրողը հետաքրքրվեց, թե արդյո՞ք սա օլիգարխի կլասիկ սահմանումն էր: «Օլիգարխն ուրիշ է, կլասիկը՝ ուրիշ, ձեր ցավը տանեմ»,-ասաց նա: