Նորատուցի Ալիկի եւ Չարբախցի Գեղամի դատավճռի դեմ բողոք կներկայացվի

ՀՀ գլխավոր դատախազությունը պատրաստվում է բողոք ներկայացել քրեական հեղինակություններ Նորատուցի Ալիկի եւ Չարբախցի Գեղամի դատավճռի դեմ: Armtimes. com-ի հետ զրույցում ՀՀ գլխավոր դատախազի խորհրդական Գոռ Աբրահամյանն ասաց, որ դատական ակտը ստացվել է, ուսումնասիրվել է եւ դրա դեմ ներկայումս վերաքննիչ բողոք է պատրաստվում, որն ավարտական փուլում է: Հիշեցնենք, որ 2018 թվականի դեկտեմբերի 18-ին Երեւան քաղաքի ընդհանուր իրավասության դատարանի դատավճռով քրեական հեղինակություն Նորատուսցի Ալիկ մականունով հայտնի Ալիկ Բանդուրյանը արդարացվել եւ ազատ էր արձակվել դատարանի դահլիճից, իսկ Չարբախցի Գեղամ մականունով հայտնի Պետրոս Իսրայելյանը մեղավոր էր ճանաչվել ՀՀ ՔՕ 113 հոդվածով (դիտավորությամբ առողջությանը միջին ծանրության վնաս պատճառելը) դատապարտվել 4 տարվա ազատազրկման եւ համաներումով ազատվել: Բդո մականունով հայտնի Արմեն Գասպարյանը նույնպես արդարացվել էր: