Երեխաներին թմրամիջոց պարունակող կոնֆետնե՞ր են տալիս. Նելլի Դուրյան անդրադարձը այս լուրին

Այս լուրերին ՀՀ ոստիկանության անչափահասների իրավունքների պաշտպանության եւ ընտանեկան բռնության դեմ պայքարի վարչության պետ Նելլի Դուրյանը ֆեյսբուքյան իր էջում անդրադարձել է համացանցում շրջանառվող տեղեկություններին, թե դպրոցների հարակից տարածքներում անհայտ անձինք մոտենում են երեխաներին եւ առաջարկում թմրանյութ պարունակող կոնֆետներ: «Վերջին շրջանում լուրեր են շրջանառվում, որ փողոցում երեխաներին են մոտենում տարբեր անձինք եւ առաջարկում կոնֆետներ, որոնք պարունակում են թմրամիջոց։ Տեղեկացնում ենք, որ մինչ օրս ոստիկանությունում նման ահազանգ չի ստացվել: Նման դեպքերի ականատես քաղաքացիներին հորդորում ենք անմիջապես ահազանգել ոստիկանություն: Միաժամանակ կոչ ենք անում քաղաքացիներին՝ խուսափել չհիմնավորված տեղեկություններ տարածելուց, որոնք կարող են ծնողների շրջանում խուճապի մթնոլորտ ստեղծել»,- գրել է նա