Ինչով է բացատրվում սորոսականների անբացատրելի սերը Սասուն Խաչատրյանի նկատմամբ․«Հրապարակ»

«Հրապարակ» թերթը գրում է. «Ռոբերտ Քոչարյանին ազատ արձակելուց հետո ԱԺ «Իմ քայլը» խմբակցությունում բուռն քննարկում է ընթացել, թե ով է մեղավոր, ինչ անել։ Սորոսականներն ու նրանց հարող մի քանիսը, որոնք խմբակցությունում մոտ 20 հոգի են և շատ միասնական, միաբերան պնդել են, որ դա Արթուր Վանեցյանն է արել։ Նրանց նեգատիվ վերաբերմունքն ԱԱԾ տնօրենի հանդեպ արդեն աչք է զարնում, մանավանդ՝ ՀՔԾ պետի նկատմամբ ունեցած խիստ բարյացակամ վերաբերմունքի ֆոնին, չնայած Քոչարյանի գործը վերջինիս վարույթում է, և բոլոր իրավական աբսուրդների համար հենց նա է պատասխանատու։ Մեր հարցին, թե ինչով է բացատրվում սորոսականների անբացատրելի սերը Սասուն Խաչատրյանի նկատմամբ, իշխանական պատգամավորներից մեկն ասաց. «Շատ պարզ բացատրություն ունի՝ Սասուն Խաչատրյանի եղբայրը՝ Դավիթ Խաչատրյանը, Սորոսի հիմնադրամի բորդի՝ վարչության անդամ է»»։ Առավել մանրամասն՝ թերթի այսօրվա համարում: