Նիկոլ Փաշինյանի պարը բարկացրել է ադրբեջանցիներին

Ադրբեջանի խորհրդարանի պատգամավորները դարձյալ կարծիք են հայտնել Լեռնային Ղարաբաղի խնդրի կարգավորման վերաբերյալ` հաշվի առնելով հայաստանյան զարգացումները: Օրինակ` Էլշան Մուսաևը հայտարարել է, թե կարող է այնպիսի պահ գալ, որ Ադրբեջանը կրկնի Ապրիլյան մարտերը, քանի, որ «Հայաստանում չկա կայուն իշխանություն»: Այս մասին հայտում է shantnews .am-ը։ «Վերջին շրջանում, հատկապես Փաշինյանի իշխանության գալուց հետո, Ադրբեջանի հանդեպ սադրանքների փորձեր են իրականացվել, օրինակ` Հայաստանի վարչապետի կողմից «յալլա» պարելը»,- ասել է Մուսաևը: Իր հերթին, իշխող «Ենի Ազերբայջան» կուսակցության պատգամավոր Սահիբա Գաֆարովան, մեկնաբանելով ադրբեջանցի սպայի մահը, կոչ է արել միջազգային հանրությանը «լուրջ ճնշումների ենթարկել Հայաստանը ստատուս քվոն փոխելու նպատակով»: