Մեքսիկայում ինքնաթիռ է կործանվել. զոհեր կան

Մեքսիկայում թեթև մարդատար ինքնաթիռ է ընկել, ինչի հետևանքով զոհվել է 4 մարդ: Դեպքը տեղի է ունեցել Չիուաուա նահանգի Սյուդադ-Կուաուտեմոկ քաղաքում: 

Տեղական լրատվամիջոցների հաղորդմամբ, նախնական վարկածով, թեթև մարդատար ինքնաթիռն ընկել է օդ բարձրանալուց ընդամենը րոպեներ անց: Վթարի ժամանակ ինքնաթիռում եղած բոլոր ուղևորները՝ 3 տղամարդ և 1 կին, մահացել են: Պատահարից այլ մանրամասներ չեն հաղորդվում: Տեղի ունեցածի պատճառները դեռ հայտնի չեն: