«Սպայկա»-ի հասցրած վնասը 10 մլրդ-ի է հասնում, վերականգնվել է 1 մլրդ-ը. ՊԵԿ փոխնախագահ

«Սպայկա» ընկերության կողմից պետական բյուջե է վերականգնվել դեռևս 1 միլիարդ դրամ։ Կատարված վերահաշվարկների արդյունքում, այս պահի դրությամբ, ընկերության կողմից պետությանը հասցված վնասը, տույժերով հանդերձ, կազմում է 10 մլրդ դրամ։ Այս մասին այսօր հրավիրված մամուլի ասուլիսի ընթացքում նշեց Պետական եկամուտների կոմիտեի նախագահի տեղակալ Էդվարդ Հովհաննիսյանը:

«Ընկերության վերաբերյալ քրեական գործը դեռևս քննության փուլում է։  Պայմանավորված գործի ծավալներով, ինչպես նաև  հաշվի առնելով ընկերության գործունեության դերակատարությունը մեր  գյուղատնտեսական ոլորտում, քրեական գործով նախքննությունը դեռևս շարունակվում է, միջոցներ են ձեռնարկվում ընկերության կողմից վնասի չափն ամբողջությամբ պարզելու  ուղղությամբ»,- ընդգծեց ՊԵԿ փոխնախագահը։