Կապանում փլուզման հետևանքով տարեց ամուսինները մնացել են փլատակների տակ․ Ցոլակյան

Այսօր առավոտյան արտակարգ դեպք է տեղի ունեցել Կապանում․ սողանք և փլուզում է եղել, որը ծածկել է խրճիթանման տներից մեկը։ Այս մասին կառավարության այսօրվա նիստի սկզբում հայտնեց ԱԻ նախարար Ֆելիքս Ցոլակյանը։

Նա նշեց, որ տան մեջ մնացել են տարեց ամուսիններ, և առայժմ պարզ չէ՝ նրանք ո՞ղջ են, թե՞ ոչ։ Ցոլակյանը զեկուցեց, որ այժմ զգուշավոր աշխատանքներ են տանում, քանի որ սողանքը կարող է կրկնվել։