Բյուջեում փող չկա դատավոր պահելու համար, իսկ չաշխատող դատավորներին անհոգ կյանքի լիազորագիր տալու համար կա՞. Պետրոսյան

Դեկտեմբերի 11-ին ԱԺ ճեպազրույցների ժամանակ ԲՀԿ խմբակցության պատգամավոր Գևորգ Պետրոսյանը հայտնեց, որ հանդես են գալու օրենսդրական մի քանի նախաձեռնություններով, որով առաջարկելու են ավելացնել դատարաններում դատավորների թիվը: 

Պատգամավորը կանխատեսեց, որ այն կմերժվի՝ բյուջեում գումար չկա հիմնավորմամբ: «Բյուջեում փող չկա դատավոր պահելու համար, չաշխատող դատավորներին անհոգ կյանքի լիազորագիր տալու համար 630 մլն դրամի փող կա՞: Վաղը, մյուս օրը Վերաքննիչ, Վճռաբեկ դատարանից ասելու են՝ մեզ էլ տվեք այդ արտոնությունը: Եթե չեք տալիս, ուրեմն՝ խտրականություն է: Դրա պատասխանն ո՞վ է տալու»,- հայտարարեց պատգամավորը: