Դեկտեմբերի 21-ից կվերսկսվեն Երևան-Ստամբուլ չվերթները

Նոյեմբերի 27-ից սկսած՝ թուրքական «Ատլաս Գլոբալ» ավիաընկերությունը դադարեցրել էր չվերթները բոլոր ուղղություններով։ 

Հիշեցնենք, «Ատլաս Գլոբալ»-ն ուղիղ չվերթներ էր իրականացնում Ստամբուլ-Երևան-Ստամբուլ ուղղությամբ շաբաթական 4 անգամ:

Ավիաընկերության կայքում հրապարակվել է տեղեկություն, համաձայն որի` բոլոր չվերթները, այդ թվում Ստամբուլ-Երևան-Ստամբուլը, կվերսկսվեն դեկտեմբերի 21-ից:  

Ավելի վաղ կատարած հայտարարության մեջ ավիաընկերությունը նշել էր, որ չվերթները դադարեցվել էին տնտեսական անկայունության և Ստամբուլի օդանավակայանում աճող ծախսերի պատճառով: Նշվել էր նաեւ, որ չվերթների դադարեցումը ժամանակավոր էր լինելու: