Ուկրաինայում ցուցարարների ու ոստիկանների բախումից 17 ոստիկան է տուժել. կան ձերբակալվածներ

Ուկրաինայի Գերագույն ռադայի շենքի մոտ տեղի ունեցած ցույցերի ժամանակ տուժել է իրավապահ համակարգի 17 ներկայացուցիչ: Ցույցի մասնակիցների ու ոստիկանների բախումից հետո ձերբակալվել է 26 քաղաքացի: Այս մասին լրագրողների հետ զրույցում հայտնել է Ուկրաինայի ներքին գործերի նախարարի խորհրդական Զորյան Շկիրյակը, փոխանցում է ՏԱՍՍ գործակալությունը: 

Նա նշել է, որ ոստիկանությունը գործել է օրենքի սահմաններում, քաղաքացիների հետ որևէ բախման չեն գնացել: Նախարարության ներկայացուցչի խոսքով տուժած ոստիկանների թիվը կարող է փոփոխվել: Երկու ոստիկան ստացիոնար բուժում է ստանում բուժհաստատությունում, հայտնել է Շկիրյակը: