Չենք բացառում, որ դասերն ու հասարակական միջոցառումները կչեղարկվեն. նախարար

Բացառված չէ, որ սահմանափակումներ կմտցվեն հասարակական միջոցառումների անցկացման համար, իսկ դասերը կրկին կչեղարկվեն: Այս մասին քիչ առաջ լրագրողների հետ զրույցում ասաց ՀՀ առողջապահության նախարար Արսեն Թորոսյանը:

«Կառավարության համար ամենից կարեւորը հասարակության առողջությունն է, եւ այդ պատճառով քաղաքական որեւէ հարց չի կանգնեցնի վերոնշյալ սահմանափակումները մտցնելու մասին որոշման ընդունումը»,- ասաց նախարարը՝ հավելելով, որ անհրաժեշտության դեպքում որոշումները կընդունվեն, եւ հասարակությանն անմիջապես կտեղեկացվի այդ մասին:

Հիշեցնենք, որ Հայաստանում կորոնավիրուսով վարակման ևս 3 դեպք։

«Երկրում իրավիճակը փոխվել է, եւ անհրաժեշտության դեպքում դասերը, ինչպես նաեւ հասարակական միջոցառումները կչեղարկվեն»,- ընդգծեց նախարարը։