Վերջապես նորածինների մեջ աղջիկները թվով գերազանցեցին տղաներին․ Գնել Սանոսյան

Գեղարքունիքի մարզպետ Գնել Սանոսյանը Ֆեյսբուքի իր էջում գրառում է արել՝ նշելով, որ Գեղարքունիքում նորածինների մեջ աղջիկները թվով գերազանցել են տղաներին:

«Վերջին օրերի եզակի լավ լուրերից:

Վերջապես նորածինների մեջ աղջիկները քանակով գերազանցեցին տղաներին։ Փետրվարին Գեղարքունիքի մարզում գրանցվել է 108 ծնունդ։ 59 աղջիկ, 49 տղա»,-նշել է նա եւ աղյուսակ ներկայացրել:

Հիշեցնենք, որ նորածինների սեռերի միջեւ անհամամասնության առումով տարիներ շարունակ մտահոգիչ էին Գեղարքունիքի մարզի ցուցանիշները։