Դաժան խոսակցություն եմ ունեցել և՛ ոստիկանության պետի, և՛ ԱԱԾ տնօրենի հետ՝ իրավիճակը ճիշտ չներկայացնելու համար․ վարչապետ
«Աշխարհում չկա մի որևէ ուժային կառույց, վարչական համակարգ, որն այս մասշտաբի հարցը կարողանա լուծել»,-այս մասին ֆեյսբուքյան ուղիղ եթերում ասաց ՀՀ վարչապետ Նիկոլ Փաշինյանը:
«Ինքս վերջին օրերին շատ դաժան խոսակցություն եմ ունեցել և՛ ոստիկանության պետի, և՛ ԱԱԾ տնօրենի հետ՝ առաջին հերթին պրոբլեմի մասշտաբը և իրավիճակը ճիշտ չներկայացնելու համար: Որովհետև այն ինչ ես տեսա ձեր օգնությամբ ուղղակի կատաստրոֆա է: Ուժային կառույցը ժամացույցի նման աշխատի այս խնդիրը չի կարող կարգավորել: Ես ուզում եմ՝ մենք սա արձանագրենք: Հարցը պատասխանատուի մեջ չէ, ես եմ պատասխանատու, բայց դրանից բա՞ն է փոխվում մահացողների հարազատների համար»,-ասաց Փաշինյանը:
Վարչապետը հայտնեց, որ հիվանդանոցներում տեղերը սպառվում են և այս տեմպը հնարավոր չէ կանգնեցնել մեկ օրում։
«Հիվանդանոցներում տեղերը սպառվում են սիրելի հայրենակիցներ, և ես համոզված եմ, որ եթե պահեինք այն կանոնները, որ պետք է պահեինք, 95 տոկոսով պակաս ցուցանիշ կունենայինք: Պետք է ամեն մեկս մեր սխալն ընդունենք և մի քայլ հետ անենք այս անդունդ տանող ճանապարհից: Սա է իմ ուղերձը»,-ասաց նա:
Նմանատիպ հոդվածներ
Ավելին Հասարակություն բաժնից
175 միլիոն 360 հազար դրամ` պատմական բացառիկ նմուշի համար
Նոր տվյալներ. վրաերթերը նվազել են
300 հազար դրամ են փոխանցել Կարապետյանի դատին ու ակցիաներին մասնակցելու համար. ՔԿ
