Արձանագրվել են սանիտարահիգիենիկ նորմերի չպահպանման, խնջույքների անցկացման արգելքի անտեսման դեպքեր. ՍԱՏՄ
Աշխատանքային նոր շաբաթը ՀՀ սննդամթերքի անվտանգության տեսչական մարմնի երևանյան ու մարզային կառույցների տեսուչները սկսել են կրկնայցերով և լայնածավալ դիտարկումներով: Այս մասին տեղեկացնում է ՀՀ Կառավարությունը։
Ուժեղացված ստուգայցերի խոշորացույցի տակ են եղել Երևանի Նոր Նորք վարչական շրջանի սննդի շղթայի կազմակերպությունները: Մայրաքաղաքի այս համայնքում ՀՀ պարետի որոշումները պահպանվել են ամենայն պատասխանատվությամբ. բոլոր այն խանութներում, հանրային սննդի օբեկտներում և սննդի արտադրություններում, ուր վերահսկողական այցեր են կատարել ՍԱՏՄ տեսուչները, խախտումներ չեն հայտնաբերվել:
ՍԱՏՄ մարզային կենտրոնների տեսուչները, սակայն, թերացումներ և կոպիտ խախտումներ արձանագրել են: Դրանք առնչվել են թե՛ կորոնավիրուսի կանխարգելմամբ պայմանավորված սանիտարահիգիենիկ նորմերին, թե՛ խնջույքների կազմակերպման և անցկացման արգելքի անտեսմանը, և թե՛ անձանց միջև սոցիալական հեռավորություն չպահպանելու խնդրին:
Արձանագրությունները կներկայացվեն պարետատուն, որին կհետևեն պատժամիջոցները՝ կասեցումների և վարչական տուգանքների տեսքով:
ՍԱՏՄ-ն շարունակելու է Կորոնավիրուսով (Covid 19) պայմանավորված հետևողական վերահսկողությունը հանրապետության սննդի շղթայի բոլոր կազմակերպություններում:
Նմանատիպ հոդվածներ
ՏԵՍԱՆՅՈՒԹ. Հիմա էլ Գառնու տաճարում են փարթի անում
Մանրամասներ՝ տավուշյան դեպքերի ժամանակ վիրավորված 5 զինծառայողի առողջական վիճակից. ՊՆ
Հայ-ադրբեջանական պետական սահմանին պահպանվել է հարաբերական անդորր
Հակառակորդը կրակի դադարեցման ռեժիմը խախտել է 15 անգամ` հայկական դիրքերի ուղղությամբ արձակելով 120 կրակոց
Ավելին Հասարակություն բաժնից
Ուժգին երկրաշարժ՝ Թուրքիայում․ զգացվել է Երևանում
Մայիսի 4-ի աշխատանքային օրը կտեղափոխվի
Երկրի նոր լուսանկարը` տիեզերքից
