Ալեն Սիմոնյանի «կոշտ» արձագանքը՝ Պուտինի հայտարարություններին

Պուտինը «արջի ծառայություն» մատուցեց և բացեիբաց հայտարարեց՝ «էս իմ տղերքն են, թող մասնակցեն ընտրություններին»: Այս մասին ճեպազրույցի ընթացքում ասել է ԱԺ նախագահ Ալեն Սիմոնյանը՝ անդրադառնալով Նիկոլ Փաշինյանի և Վլադիմիր Պուտինի օրեր առաջ տեղի ունեցած հանդիպմանը։

«Ակնհայտ էր, որ ՌԴ նախագահը խոսում էր ռուսամետ քաղաքական ուժերի մասին, և այդ ուժերն այլևս չեն կարող պնդել, թե ՌԴ-ի հետ որևէ կապ չունեն: Նախկինում ասում էին՝ Մոսկվայից «դաբրոն» կա, սակայն այժմ Հայաստանում կա միայն մեկ «դաբրո», և դա Հայաստանի ժողովրդի «դաբրոն» է: Հայաստանի ժողովուրդը չի ընդունում, երբ իրեն դրսից են թելադրում: Մենք հոգնել ենք դրսից քաղաքական դաշտ բերվող և նշանակովի նախագահներից ու երկրի ղեկավարներից»,- ասել է ԱԺ նախագահ Ալեն Սիմոնյանը: