Արցախում արտակարգ իրավիճակի երկարաձգումը չի խոչընդոտելու ուսումնական գործընթացին

Հանրապետությունում արտակարգ իրավիճակի երկարաձգումը չի խոչընդոտելու ուսումնական գործընթացի վերսկսմանը: Այդ մասին հայտարարում են Արցախի կրթության, գիտության և մշակույթի նախարարությունից:

«Ինչպես ավելի վաղ տեղեկացրել էինք, հանրակրթական ուսումնական հաստատություններում՝ մանկապարտեզներ, դպրոցներ, ուսումնարաններ, ուսումնական գործընթացը՝ առկա ձևաչափով, մեկնարկելու է սեպտեմբերի 14-ից: Ուսումնական գործընթացը կազմակերպվելու է ԱՀ ԿԳՄՆ, ԱՀ ԱՆ և ԱՀ պարետատան կողմից մշակված ու հաստատված ուղեցույցի համաձայն: Ուղեցույցը տրամադրվել է բոլոր ուսումնական հաստատություններին»: