Խոշոր ավտովթար Երևանում. BMW-ն բախվել է բենզալցակայանի մոտ կայանված «07»-ին, ապա դեպքի վայրից հեռացել. Shamshyan. com

Այսօր՝ մարտի 27-ին, խոշոր ավտովթար է տեղի ունեցել Երևանում։ Ժամը 07։30-ի սահմաններում Արշակունյաց 23 հասցեի դիմաց BMW մակնիշի ավտոմեքենան բախվել է նշված հատվածում գտնվող բենզալցակայանի մոտ կայանված ВАЗ 2107 մակնիշի ավտոմեքենային։ 

Ինչպես դեպքի վայրից հայտնում է Shamshyan.com-ը, բախման հետևանքով «07»-ը կողաշրջվել է՝ վնասելով բենզալցակայանի գույքի մեծ մասը, այդ թվում՝ արտաքին լուսավորման լույսերը, լիցքավորման սարքը, իսկ BMW-ն բախման վայրից մոտ 80 մետր առաջ է ընթացել։ 

Ոստիկանությունը պարզում է վարորդների ինքնությունը, «07»-ի վարորդը տեղում ենթարկվել է սթափության փորձաքննության. պարզվել է, որ նա եղել է սթափ, իսկ BMW-ի վարորդը դեպքի վայրից հեռացել է։

Մանրամասները՝ կայքում: