Հայտնաբերվել է հողի բերրի շերտի հանման և տեղափոխման 8 դեպք

Բնապահպանության և ընդերքի տեսչական մարմնի աշխատակիցների կողմից հողի բերրի շերտի նպատակային և արդյունավետ օգտագործման, տեղափոխման բնապահպանական օրենսդրության պահանջների կատարման նկատմամբ իրականացվել են մեկ շաբաթյա, շուրջօրյա վերահսկողական լայնածավալ աշխատանքներ։

Շրջայցերի ընթացքում ՀՀ Կոտայքի, Գեղարքունիքի, Արագածոտնի մարզերում հայտնաբերվել է հողի բերրի շերտի հանման և տեղափոխման 8 դեպք։

Հողային աշխատանքներ իրականացնելիս խախտելով հողային ծածկույթի վերին շերտի հանման և տեղափոխման սահմանված կարգը տարբեր մակնիշի բեռնատար ավտոմեքենաներով ապօրինի տեղափոխվել է շուրջ 71խմ. սևահող։ Սևահողով բեռնված բոլոր բեռնատար ավտոմեքենաները տեղափոխվել են Ոստիկանության տուգանային հրապարակ։

Հայտնաբերված դեպքերով նշանակվել են վարչական տուգանքներ, իսկ մի շարք նյութեր ուղարկվել են իրավապահ մարմիններին։