ԵՄ «սև ցուցակում» է հայտնվել նաև Մուրադովը

Ռուսաստանի դեմ պատժամիջոցների շրջանակներում ԵՄ «սև ցուցակում» են հայտնվել նաև ռուս զինվորականներ։ Այս մասին տեղեկացնում է lenta.ru-ն։

ԵՄ պատժամիջոցների ցանկում նշվել են Սևծովյան նավատորմի հրամանատարի առաջին տեղակալ Սերգեյ Պինչուկի, գեներալ լեյտենանտներ Ռուստամ Մուրադովի, Ալեքսեյ Ավդեևի, ինչպես նաև Հարավային ռազմական օկրուգի 8-րդ գվարդիական համակցված բանակի հրամանատար Անդրեյ Սիչևոյը։

Ավելի վաղ ԵՄ պատժամիջոցների ցանկում ներառվել էին ՌԴ պաշտպանության նախարարությունն ու դրա Կապի կենտրոնը, Արտաքին հետախուզական ծառայությունը, «Կալաշնիկով» կոնցեռնն ու այլ կառույցներ։