Հասանովն այցելել է Ադրբեջանի կողմից օկուպացված տարածքում գտնվող նոր ռազմական օբյեկտ

Շահագործման է հանձնվել Ադրբեջանի կողմից օկուպացված տարածքներում կառուցված հերթական ռազմական օբյեկտը։ Այս մասին հայտնում են ադրբեջանական լրատվամիջոցները։

Օկուպացված տարածքներ այցելած Ադրբեջանի պաշտպանության նախարար Զաքիր Հասանովը եւ նախարարության ղեկավար կազմը շրջայց են կատարել նորակառույց զորամասում:

Հիշեցնենք, որ Արցախյան 44-օրյա պատերազմի հետևանքով Բաքվի վերահսկողության տակ են անցել, կամ 2020 թվականի նոյեմբերի 9-ի եռակողմ հայտարարությամբ հանձնվել Արցախի անվտանգության գոտու մաս կազմող 7 շրջանները, նախկին ԼՂԻՄ-ի կազմի մեջ մտնող Հադրութի շրջանը, Շուշի քաղաքը, համանուն շրջանի Քարինտակ գյուղը, ինչպես նաև որոշ գյուղեր Ասկերանի, Մարտունու և Մարտակերտի շրջաններից։