Զելենսկին ստորագրել է պաշտպանական ծախսերի ռեկորդային աճի մասին օրինագիծ

Ուկրաինայի նախագահ Վլադիմիր Զելենսկին ստորագրել է օրինագիծ, որը նախատեսում է պաշտպանական ծախսերի ավելացում 14,6 մլրդ դոլարով, նշվում է Գերագույն ռադայի կայքում հրապարակված տեղեկատվության մեջ։

«04/11/2023 Վերադարձվել է Ուկրաինայի նախագահի ստորագրությամբ»,- նշվում է օրինագծի էջում, որը հրապարակված է խորհրդարանի կայքում։
 

Ուկրաինայի Գերագույն Ռադայի պատգամավոր Յարոսլավ Ժելեզնյակի խոսքով՝ սա բյուջեի ռեկորդային աճ է։ 

«Ուկրաինայի պատմության մեջ երբեք բյուջեում նման էական փոփոխություններ չեն կատարվել»,- գրել է նա իր թելեգրամյան ալիքում՝ մանրամասնելով, որ օրինագիծն ուժի մեջ կմտնի ապրիլի 13-ից։