«Ես փորձեցի կանխել այս իրավիճակը»․ Մերկել

Գերմանիայի նախկին կանցլեր Անգելա Մերկելն ասել է, որ իշխանության ղեկին եղած ժամանակ ամեն կերպ փորձել է կանխել ռազմական հակամարտությունը Մոսկվայի և Կիևի միջև։

«Ես փորձեցի կանխել այս իրավիճակը՝ օգտագործելով այն բոլոր հնարավորությունները, ինչ ունեի իմ տրամադրության տակ։ Այն, որ չստացվեց, ապացույց չէ, որ սխալ էր փորձել»,- ասաց քաղաքական գործիչը։

Քաղաքական գործիչը հորդորել է մտածել ապագա սցենարի շուրջ, որում հնարավոր են բանակցություններ կողմերի միջև։ Նախկին կանցլերը նախկինում դատապարտել էր Ռուսաստանի գործողությունները՝ դրանք անվանելով Եվրոպայում միջազգային իրավունքի «բացահայտ խարխլում», որի համար «ոչ մի արդարացում չկա»: 

Նրան բազմիցս առաջարկվել է միջնորդ դառնալ հակամարտության կարգավորման հարցում, սակայն Մերկելը բացառել է նման հնարավորությունը։