Մոսկվայում դեռահասն օնլայն խանութից օդամղիչ ատրճանակ է գնել և դրանով կրակել ընկերոջ դեմքին

Մոսկվայում մի դեռահաս օնլայն առևտրի խանութից գնել է օդամղիչ ատրճանակ և դրանով կրակել ընկերոջ դեմքին։ Այս մասին հինգշաբթի օրը՝ օգոստոսի 24-ին, հայտնում է Известия-ի աղբյուրը։

Նշվում է, որ 15-ամյա դեռահասի ծնողները նրա՝ զենք գնելու մասին չգիտեին։

«Իհարկե, նա բոլորից գաղտնի զենք է գնել, առաջին հերթին՝ ծնողներից։ Միևնույն ժամանակ, նա այն պահում էր իր սենյակում»,- պատմել է լրատվամիջոցի աղբյուրը։

Միջադեպից տուժածը աչքի վնասվածքներով հոսպիտալացվել է։ Բժիշկները պարզել են, որ գնդակը կարող էր մնալ նրա մարմնում։ Ոստիկանությունը հետաքննում է միջադեպը։