ՏԵՍԱՆՅՈՒԹ․ Ադրբեջանը, բացի ատոմային ռումբից, ամեն ինչ ունի․ Սիմոնյան

Հայաստանի Հանրապետությունը որևէ երկրի նկատմամբ հարձակվելու նպատակ չունի։ Այս մասին Ազգային ժողովում լրագրողների հետ ճեպազրույցում հայտարարեց  ԱԺ նախագահ Ալեն Սիմոնյանը՝ արձագանքելով Ադրբեջանի հայտարարություններին, թե հայկական կողմը զինվում է։ 

«Ադրբեջանը բացի ատոմային ռումբից, կարելի է ասել, ամեն ինչ ունի»,- նշեց Սիմոնյանը։

Նա շեշտեց՝ հայկական կողմը բացառապես պաշտպանական սպառազինություն է ձեռք բերում։

Սիմոնյանը միաժամանակ հավելեց, որ հայկական կողմը կառուցողական է տրամադրված Ադրբեջանի հետ բանակցությունների հարցում, պատրաստ է քննարկել ցանկացած առաջարկ՝ ակնկալելով, որ Բաքուն նույնպես կառուցողական կլինի։

Մանրամասները՝ տեսանյութում։